![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Edmond Lajçi, është shtetasi i cili vrau bashkëshorten e tij, Gjyljeta Ukelli ditën e sot me (16 prill) në mes të qytetit të Pejës në Kosovë.
Mësohet se autori, telefonoi vetë policinë pasi kreu krimin duke u shprehur, “E vrava gruan”.
Sipas informacioneve, çifti ka pasur probleme edhe më parë, ndër Lajçi është dënuar në vitin 2021 me 400 euro gjobë për dhunë në familje.
Rasti i rëndë i vrasjes që tronditi sot Pejën, ka ndodhur në orën 08:15 të mëngjesit në banesën e çiftit në mes të qytetit të Pejës.
“Sot rreth orës 08:15, Policia është informuar se në rrugën Bill Clinton në Pejë, ka ndodhur një rast, Policia menjëherë kanë dal në vendin e ngjarjës gjithashtu edhe ekipi mjekësor të cilet kanë konstatuar vdekjen e viktimës ( femër), i dyshuari këtij rasti është arrestuar dhe ndodhet ne objektet e Stacionit Policor në Pejë”, ka njoftuar policia.
Pas ngjarjes, autori është arrestuar, ndërsa autoritetet kanë sekuestruar armën e krimit.